DAVAO CITY – Padayon karon nga nadungagan ang ihap sa mga Driver sa dakbayan nga naka-claim na sa ilang mga Fuel subsidy nga giila nilang dakung tabang human nga subli na sab nga musaka ang presyo sa gasolina karung adlawa.
Sa kasamtangan, nakatala ang Land Transportation Franchising and Regulatory Board (LTFRB) -11 ug anaa na sa kapin 6,000 ka mga driver sa dyip ug filcabs sa Davao region ang nakadawat na sa ilang subsidiya.
Kahinumduman nga kagahapong adlawa, ubay-ubay na sab ang nagpatubil sa mga gasoline station sa siyudad dungan sa subli nga pagsaka sa presyo sa gasolina.
Padayon karun ang panawagan ni LTFRB-Regional director Nonito Llanos ngadto sa mga wala nakakuha sa ilang subsidiya nga muadto lamang sa ilang buhatan sa Libby Puan ning dakbayan.
Subay sa listahan sa ahensiya, anaa sa 5,520 ang benepisiyaryo sa mga Taxi; 860 sa mga taxi driver; 628 sa mga UV express ug 149 sa Tourist Transport Service.
Kahinumduman nga daghanang mga driver ang nagproblema na sa sunod-sunod nga pagsaka sa presyo sa mga produktong petrolyo sanglit wala na silay mauli sa ilang tagsa-tagsa ka mga pamilya.
Misangpot pa sa punto nga buot na lamang nila nga padungagan ang pamasahe arun lamang makabawi.
