DAVAO CITY – Moabot sa 20 ka mga biktima sa investment scam ang midangop ug nagpakitabang na karon sa Lokal ngba kagamhanan sa dakbayan sa dabaw gumikan kay gi-sibatan na sila sa ilang admin dala ang minilyon ka pesos nga kantidad sa salapi.
Gikanayon ni Simplicio Sagarino, ang hepe sa Davao city Anti-Scam Unit nga kasamtangan na nilang gipangita karon ang usaka ginganlan ug Levie Mae Boletche nagpa-ilang admin sa Double Your Money o DYM Scheme kung diin gibbana-bana nga moabot sa 10 ka milyon ka pesos ang nadagit niini gikan sa mga investors.
Sumala ni Sagarino, kadaghanan sa mga biktima mga nagpuyo sa Toril area ning syudad diin didto usab nagsugod ang investment scam.
Apan nalisdan sila sa pagtultol sa insaktonog lokasyon niini sanglit walay pisikal nga opisina ang DYM ug bugtong sa sakyanan lamang nila ginahimo ang mga transactions ug ginapaagi usab sa Gcash ang payout sa mga nag-invest.
Saysay pa sa mga biktima, nakadawat sila ug payout nga adunay 100% nga interes sulod lamang sa usaka bulan, apan kalit na lamang nga wala na nagpakita ug dili na nila makontak ang ahente sa DYM human sila mag-invest ug mas dakong kantidad.
Dugang pa ni Sagarino, sa kasamtangan, padayhon pang ginasuta sa ilang buhatan ang gikahimutangan ni Boletche ug sa uban pang mga indibiduwal nga nalambigit usab sa nahisgutang scam.
Kahinumduman nga una nang mipagawas ang Securities and exchange commission (SEC) davao extension office ug pahimangno sa katawhan nga nagkanayong illegal ang operasyon sa DYM gumikan kay dili kini rehistrado sa ilang buhatan.
Gidasig usab ni Sagarino nga pormal nga moduso ug reklamo ang mga biktima aron manubag ang mga mipaluyo sa nahisgutang investment scam.
