DAVAO CITY – Gipalawman pa karon sa kapulisan sa Davao Oriental ang ilang gipahigayon nga imbestigasyon aron nga masayran kung unsa ang motibo sa pagpatay sa usa ka driver kinsa gipusil kini saw ala mailhi nga suspetsado.
Kahinumduman nga nahitabo ang insidente sa Purok Two Lovers, Brgy. Baon, San Isidro, Davao Oriental, pasado alas siete sa gabie.
Gikanayong nakabsan gilayon sa iyan kinabuhi ang biktima nga nailang si Kherin Manigo, 32 anyos Purok 2, Sitio Cotcot, Brgy. Langka, Mati City.
Gikanayong nakita na lamang kini sa motorista nga nagbuy-od hinungdan nga nangayon na kini ug pakitabang ngadto sa otoridad.
Nakaangkon sumala pa ang nahisgutan ug mga igo sa bala sa nagkadaiyang parte sa iyang lawas. Sa ulahing imbestigasyon sa otoridad, anaa sa upat ka mga basiyo sa bala nga iya sa .45 Caliber Pistol ang ilang narekober sa crimescene.
Gisulayan pa kini pagdala sa Davao Oriental Provincial Hospital apan gideklara na kini nga dead on arrival sa mga doktor.
Subayon sab karun sa otoridad ang mga posibleng nakabangi sa biktima ayha ang nahitabong pagpatay kaniya sa mamumuno.
