DAVAO CITY – Gibana-bana nga mokapin-kun-kulang sa 12 mil ka mga drivers ug operators sa mga pampublikong sakyanan sa dakbayan sa dabaw ang makadawat sa ika-tulong hugna sa fuel subsidy sa gobyerno nga nagkantidad ug 13 mil ka pesos.
Gikanayon ni LTFRBB 11 regional director Nonito Llanos nga andam na ang ilang buhatan alang sa pagpatuman sa nahisgutang fuel subsidy.
Sa karon bugtong ang go signal na lamang sa department of budget and management ang ilang ginahulat.
Mamahimong mas lapad sumala pa karon ang distribution sa PPP card gumikan kay apil na sa mga mahimong beneficiaries niini ang mga operators ug drivers sa mga tricycle, delivery riders, mga taxi ug mga pampasaherong bus, gawas pa sa karaan nang mga beneficiaries nga Philcab ug PUJ drivers ug operators sa dakbkayan sa dabaw.
Sa pikas bahin, hangtud kagahpong adlawa moabot pa lamang sa 75-80% sa mga PUV drivers ug operators ang naka-claim sa ilang PPP cards.
Adunay pay kapin sa kinyentos ang wala pa makakuha gumikan sa nagkadiayang mga hinungdan diin usa na niini ang kakulang ug mga dokumento.
