DAVAO CITY – Wala pay nadawat nga reklamo ang criminal investigation group (CIDG) regional office 11 gikan sa mga nahimong biktima sa bag-ong investment scam nga gitawag ug DYM o Double Your Money.
Sa pakighinabi sa Bombo Radyo kang Edgardo Bahan, ang hepe sa investigation division sa CIDG 11, giangkon niini nga karon pa nila nadungog ang DYM investment scheme, apan iyang gipaslaig nga mopahigayon ang ilang buhatan ug imbestigasyon labot niini.
Gikanayon usab ni Bahan nga katapusan silang kadawat ug mga reklamo labot sa o investment scam niadto pang milabay nga tuig, diin nadakpan ang mga tawo nga mipaluyo niini ug napasakahan na ug kaso, hinuon temportartyong nakagawas ang mga administrator human mibayad ug piyansa.
Samtang nanawagan usab ang CIDG official sa katawhan nga dili magduha-duha sa pagsumbong ngadto sa ilang buhatan kung adunay masayran nga susamang illegal nga mga binuhatan.
Subay sa gihatag nga impirmasyon sa usaka nentizen sa bombo radyo, daghan nang mga residente sa Toril ning syudad ang naagni sa pag-invest sa DYM gumikan kay sama sa kappa ug rigen, madoble ang pagbalik sa ilang kuwarta.
Daghan na usba sumala pa sa mga residente ang mi-prendsa na sa ilang mga kabtangan aron i-invest sa nahisgutang kompanya nga gipasiugdahan sumala pa sa usaka alyas Elvie o Lady L .
