DAVAO CITY – Mas gipahugtan karon sa davao city police office – traffic enforcement Unit ang ilang operasyon batok sa mga masinupakon sa gipatuman nga speed limit sa dakbayan sa dabaw.
Subay sa record sa DCPO – TEU moabot na sa 40 ka mga drivers ang ilang nadakpan gikan Pebrero 21 – 24, 2022 nga nakasupak sa speed limit.
Kini ang subay sa hingpit nang paggamit sa mga traffic enforcers sa ilang bag-ong kahimanan nga handheld speed gun laser camera.
Gikanayon ni TEU-DCPOHead Police Major Dexter Domingo, duha ka mga speed gun ang ilang ginagamit karon sa ilang operasyon diin usa niini ang gigamit sa ilang mga ginsakupan nga naa gipang-deploy sa norte nga bahin sa syudad samtang ang usa south side pinaagi sa random inspection.
Gipasalig usab ni Domingo nga dokumentado ang ilang gihimo nga mga pagpangdakop ngadto s amga drivers nga nakasupak sa gipatumang speed limit sa syudad.
Samtang, nakigtagbo na usab sumala pa ang TUE-DCPO ngadto sa city transport and traffic management office alang sa hapsay nga koordinasyon ilabi na s apag-issue ug citation ticket.
