DAVAO CITY – Gipahimutang na sa lokal nga kagamhanan sa Caraga Davao oriental ang pito ka mga water manual chlorinator sa Brgy Santiago nga maoy grabeng naapektuhan sa diarrhea outbreak.
Ang nahisgutang mga chlorinator ang mag-silbi nga water purifier alang sa limpyo ug luwas nga tubig nga ma-inum sa mga residente.
Ang nahisgutang lakang ang gihimo sa LGU samtang gisugdna na usab karong semanaha ang pagpatuman sa water system project sa Caraga nga molungtad ug hangtud pito ka bulan nga giponduhan ug 20 million pesos.
Samtang, gihulat na lamang usab karon sa caraga LGU ang water analysis sa mga water samples nga gipa-laboratory test sa southern Philippines medical center aron masayran kung insakto na ang chlorine level ug kung mamahimo na kining ma-inum sa mga residente.
