DAVAO CITY – Gumikan kay igo pa ang supply sa mga bakuna dinhi sa dakbayan nga alang sa mga nag-edad ug 5-11 anyos, gi-awhag karon ni Davao City Covid-19 Task Force spokesperson Dr. Michelle Schlosser ang mga inahan nga dad-on lamang ang ilang mga anak sa tulo ka mga special vaccination sites alang sa nahisgutan nga age group nga gilangkuban sa Almendras Gym, Vicente Hizon Central Elementary School ug San Roque Elementary School.
Gikanayong ang nahisgutan nga sites ang abli alang sa walk-ins apan ang mga ginikanan kinahanglan nga magdala lamang ug kopya sa Philippine Statistics Authority (PSA) birth certificate o valid student ID sa bata, valid ID sa parents o guardian, Safe Davao QR sa bata, ug kaugalingon nga ballpen.
Gituyo sa lokal nga kagamhanan ang pagtukod ug special vaccination sites alang sa mga bata aron malikayan ang misdosing sa bakuna.
Gani plano sab matud pa karon sa dakbayan nga dungagan pa ang sites alang sa 5-11 age group human nga nagmalampuson ang roll out sa pilot test alang sa pediatric vaccination sa ospital.
