DAVAO CITY – Plano karun sa ahensiya sa Department of Education (DepEd)-Davao Region nga ilakip ang dugang nga 186 ka mga tulonghaan alang sa pagpalapad pa sa limited face-to-face (F2F) classes human nga nalangan kini dinhi sa rehiyon dihang gipailalom sa Alert Level 3.
Sumala pa kangb DepEd-Davao Spokesperson Jenielito Atillo nga ang 186 ka mga tulonghaan ang naka-line up alang sa mosunod nga phase sa F2F expansion karung bulana.
Langkuban kini sa lima ka mga pampublikong tulonghaan alang sa limited F2F dinhi sa siyudad nga langkuban sa Dalagdag National High School uban ang Senior High sa Barangay Dalagdag, G. Tajo National High School with Senior High sa Barangay Lampianao, Saloy National High School uban ang Senior High sa Barangay Saloy, Mabuhay Elementary School nga karun naila nga Victor Bernal Integrated School uban ang Kindergarten sa Barangay Mabuhay, ug Gumitan Elementary School uban ang Kindergarten sa Barangay Gumitan.
Wala na gibutyag pa sa opisyal ang uban nga mga tulonghaan nga kalakip sa listahan apan gikanayon sa DepEd nga naka-kuha na ang mga nahisgutan ug approval sa halso tanan nga mga local government units sa rehiyon.
Apan wala pa nakapailalom ang mga nahisgutan sa formal approval gikan sa DepEd central office pinaagi kang Education Secretary Leonor Briones.
Gi-angkon ni Atillo nga nalangan ang expansion tungod sa kalit nga pagbag-o sa tibuok rehiyon sa Alert Level 3.
Subay sa Inter-Agency Task Force alang sa Management of Emerging Infectious Diseases (IATF) guidelines, ang F2F classes ang hugtanon nga gidili sa mga areas nga anaa sa Alert Level 3 ug 4. Sa kasamtangan, adunay 18 ka mga tulonghaan sa rehiyon nga gihatagan ug permits alang sa limited F2F classes.
Gilangkuban kini sa mga public schools sa Tagum City, Davao del Norte, namely, New Balanban Elementary School, Nueva Fuerza Elementary School, San Agustin Elementary School, Babanganan Primary School, Cabugan Elementary School, Libuganon Integrated School, ug Pandacan Integrated School.
Sa Davao del Sur, gilangkuban kini sa Clib Public School sa Hagonoy ug Nodilla Elementary School ingon man Tacub Elementary School sa Kiblawan.
Samtang sa Davao de Oro, pipila sa mga tulonghaan nga kalakip sa limited F2F ang gilangkuban sa Bares Elementary School (Pagsabangan Extension) sa New Bataan, Parasan Integrated School sa Pantukan, ug Lower Panansalan Elementary School (Jacinto Extension), Maugat Elementary School, ingon man Digaynon Integrated School sa Compostela.
Samtang ang Faith International Academy mao ang labing una nga tulonghaan sa Davao City ug unang private school sa region nga magsugod sa F2F classes.
Tanan sumala pa nga tulonghaan ang gipailalom sa hugtanon nga gi-assess sa Department of Health (DOH).
Sukad nga nagsugod ang pilot F2F sa milabay nga Nobyembre 2021, wala pay gika-report ang Deped nga bisan unsa man nga kaso sa Covid-19 cases ngadto sa mga mipartisipar nga mga estudyante sa limited F2F.
Subli sab nga gipasabot ni Atillo nga bisan dili mandato ang mga magtutudlo nga magpabakuna, apan dili sumala pa tugtan ang mga nahisgutan nga mo-report sa tulonghaan.
