DAVAO CITY – Gibutyag sa usa ka Environmental group nga wala pa naka-isyu ang Department of Environment and Natural Resources (DENR)-Davao Region ug pormal nga suspension order kalabot sa pagputol ug century-old trees sa Mounts Makabol-Alikoson Conservation Area (MMACA) sa Barangay Salaysay, Marilog District luyo sa nauna nga saad niini.
Una na matud pa nga nagsumite ug sulat ngadto sa bag-ohay pa lamang nga miluwat sa katungdanan nga si DENR Secretary Roy Cimatu ang grupong Sustainable Davao Movement (SDM) aron nga mo-apela sa ahensiya nga ideklara ang forest conservation ilabi na kadtong nahimutang sa MMACA.
Kahinumduman nga ang SDM gilangkuban sa nagkadaiyang grupo nga gilangkuban sa Philippine Eagle Foundation (PEF), Interfacing Development Interventions for Sustainability (Idis), Ecoteneo, volunteers groups from Makabol, ug support members sa Davao Association of Catholic Schools (Dacs).
Kini kabahin sa DENR-Davao response sa sulat ni Davao City Mayor Sara Duterte-Carpio nga una ng misuporta sa pagkansela sa timber cutting permit nga una ng gi-release sa nanag-iya sa luna nga si Ling Ling Wu Lee diin nahisakop niini ang 121 old-growth forest trees sa Makabol-Alikoson water.
Gitataw sab sa SDM nga ang komunidad sa lugar ang nasayud sa nesting trees, nga gatusan ka metros ang gilay-on sa mga punoan sa kahoy nga pamutlon gumikan kay ginabantayan kini ug ginamonitor ang mga Philippine Eagle sulod na sa pipila ka dekada.
Una ng nag-isyu ang Watershed Management Council ug resolusyon kaniadtong Enero 28, 2022 nga nagbasura sa permit application tungod kay ang pagputol sumala pa ug punoan sa kahoy arun tukuran ug banana plantation ang dili ha-um alang sa watershed reserve area.
Ang nahisgutan nga resolusyon ang gidawat ug gi-acknowledge sa DENR sa milabay nga Marso 5, 2021.
