DAVAO CITY – Dali nga mipahigayon nga clearing operations ang mga ginsakupan sa Department of Public works and highways (DPWH) 11 sa pipila ka mga dalan sa probensiya sa davao de oro human nga natabunan kini sa mga midahili nga yuta.
Subay sa report, kaganinang buntag dili maagian ang mga dalan sa Camanlangan paingoin sa lungsod sa Maragusan, ug ang Tapia National Road sa lungsod sa Montevista nga susamang mga sakop sa probensiya sa davao de oro.
Kini gumikan sa nasinatiang landslide sa nahisgutang mga dapit diin mitabon ang baga nga yuta sa kalsada.
Gikumpirma sa provincial disaster sa Davao de oro nga sukad kagahapon sa hapon hangtud karon padayon nga nasinatian sa ilang probensiya ang mga hinungdan nga mihumok ang yuta sa bukiron nga bahin sa iling dapit.
Hinuon, gibutyag sa Davao de Oro disaster nga walay gikatala nga aduna na-angol sa nahisgutang panghitabo.
Samtang, gipahinumduman niini ang publiko nga kanunay mag-igmat ilabi na naidtong mga nagpuyo daplin sa kasapaan ug tiilan sa kabukiran sanglit nagpadayon lamang gihapon ang mga pag-ulan nga mamahimong moresulta sa pagbaha ug landslide.
