DAVAO CITY – Gimando sa City Government of Davao ang pagpatuman sa Safety Seal Certification Program pinaagi sa Executive Order (EO) No. 3 series of 2022.
Ilalom sa EO 3 nga gipirmahan niadtong Enero 31, 2022 diin hugot nga gidasig sa syudad ang tanang mga establisamento nga mag-apply alang sa safety seal ug i-display kini subay sa design nga gi-require sa DILG.
Pinaagi sa Safety Seal Certification Program, tumong sa JMC nga mohatag ug kasiguruhan sa mga konsumante ug sa publiko sa pagtuman sa mga establisamneto sa minimum public health standard nga gitakda sa gobyerno ug sa luwas nga subling pag-abli sa ekonomiya.
Ang Business Permits and Licensing Division (BPLD), nga maoy lead office ug chair sa Davao City Inspection and Certification Team (DCICT), maoy mo-issue sa Safety Seal Certificate.
Ang mga establisamento nga mapamatud-ang pakyas pagtuman sa health standards ang mag-atubang ug tukmang silot lakip na suspension sa ilang operasyon.
Ang mga private establishments nga walay valid business permit ang makadawat ug No Safety Seal certificate.
Mamahimong mo-report ang publiko sa mga wala mituman sa MPHS ug paggamit sa safe davao QR application sa mga establisamento ug mga negosyo nga gihatagan ug safe seal certificate pinaagi sa Davao COVID-19 Public Hotline.
