DAVO CITY – Bisan nga ubos ang mga nag-booster shot sa dakbayan atol sa ikatulong Bayanihan Bakunahan: National Vaccination Day dinhi sa siyudad, mapalasamaton pa gihapon ang Covid-19 Task Force gumikan kay daghanan na ang fully vaccinated ug nagpa-second dos.
Kahinumduman nga sa milabay nga bakunahan, anaa sa kinatibuk-ang 5,662 ka doses ang na-administer atol sa unang adlaw sa aktibidad sa milabay nga adlaw.
Una ng gibutyag ni Dr. Michelle Schlosser, tigpamaba sa Davao City Covid-19 Task Force, anaa sa 5,662 doses ang na-administer; 618 ang sa first doses, 2,844 sa second doses, ug 2,200 ang booster doses.
Kahinumduman nga una ng gilugwayan ag mass vaccination drive hangtud Pebrero 18 aron maka-administer ug dugang pa nga booster doses, nga ubos ang turnout.
Samtang ang pagbakuna sa mga senior citizens ug uban pang vulnerable groups ang hatagan ug prayoridad atol sa third installment sa mass vaccination event.
Samtang gi-anunsiyo sa lokal nga kagamhanan nga plano niini nga ablihan matag weekend ang vaccination sites aron nga daghanan pang Dabawenyos ang mabakunahan ilabi na nga adunay pipila niini nga weekdays lang available.
Samtang ang sites sa Davao Crocodile Park ug People’s Park Davao ang nagpahigayon sa pilot run sa weekend vaccination nga nagsugod sa alas otso sa buntag hangtud alas tres sa hapon.
Gikanayong dili na sab magdugay ang mga vaccinees sa mga vaccination sites gumikan kay igo na matud karun ang vaccination sites sa siyudad nga maka-cater ug daghanang buot nga nagpabakuna.
