DAVAO CITY – Isip kabahin sa pagsaulog sa Investor Protection Week, nanawagan si Atty. Katrina Jamilla-Ponco Estares, Regional Director sa Securities and Exchange Commission (SEC) Davao extension ngadto sa publiko nga kanunay proteksiyon ang kaugalingon batok sa mga scammers ilabi na nga sagad sa mga nahisgutan migamit na ug online sa ilang pagpangilad sama na lamang sa gidangatan sa REPA paluwagan diin milyon ka pesos ang wala nauli nga kuwarta sa mga investors.
Sumala pa kang Estares nga kung legal pa ang susama nga aktibidad, dili sumala pa kinahanglan nga patago ang mamahimong transaksiyon niini o mogamit ug social media sa pagpang-recruit.
Angayan sumala pa nga magduda sa higayon nga sobra kadako ang interest rate niini ug adunay ginahimo nga recruitment.
Una ng gi-awhag sa opisyal ang publiko nga subayon ang website sa SEC aron masayran kung unsa kadtong mga kompanya nga makonsidera nga scam o nagatanyag ug dako nga tubo sa salapi nga ilang gi-invest.
