Wala na mihatag pa ug dugang detalye si Davao City Mayor Inday Sara Duterte-Carpio kung unsa pa ang nahisgutan nila ni kanhi Senator Bongbong Marcos dungan sa panagkita nila sa Cebu aron motambang sa usa ka okasyon.
Una niini, subli nga gipanghimakak ni Mayor Inday nga dili siya mokandidato pagka-Pangulo sa eleksiyon sa mosunod nga tuig.
Una ng mitambong si Mayor Inday sa inagurasyon sa bag-ong gitukod nga Liloan Sea Port sa Cebu kagahapong adlawa.
Hinuon pipila sumala pa sa mga nahisgutan nila ni Bongbong Marcos kung paunsa makatabang ang iyang regional party nga Hugpong ng Pagbabago (HNP) sa kandidatura niini sa pagka-pangulo.
Gitataw sab ni Mayor Inday nga wala pa silay inisyal nga hinabi kalabot sa “Marcos-Duterte” tandem sa 2022 polls.
Kahinumduman nga daghanan ang nakurat sa kalit nga pag-abot ni Mayor Inday sa Cebu human ang pipila ka semana nga quarantine tungod sa Covid-19.
Gawas sa mag-igsuon nga Marcos, nakigkita sab si Mayor Inday sa uban nga Cebuano high-ranking officials kalakip na si Cebu Governor Gwendolyn Garcia, Cebu City Acting Mayor Mike Rama, ug Liloan Mayor Christina Frasco kinsa nagsilbi sab niya nga tigpamaba.
