DAVAO CITY – Nakaduso na kaganinang buntag sa iyang certificate of candidacy si Davao del Norte 1st District Representative Pantaleon Alvarez.
Miadto sa COMELEC-Davao del Norte Provincial Office ang opisyal aron nga isumite ang iyang COC ilalom sa Partido Reporma.
Subli nga magpapili ang nahisgutan pagka-Congressman sa unang distrito sa Davao del Norte.
Gi-uban ang nahisgutan ni Davao del Norte Governor Edwin Jubahib kinsa una na sab nga miduso sa iyang COC ang gobernador kaniadtong adlaw nga Sabado.
Samtang hugtanon nga gipanghimakak ni Alvarez ang mga akusasyon batok kaniya partikular na ang pagpatukod sumala pa niini ug dalan nga padulong sa iyang mansiyon.
Sumala sa opisyal nga gihimo ang nahisgutan nga dalan aron adunay ma-agi-an ang mga residente sa lugar partikular na sa mga dapit nga paspas ang pagsaka sa tubig panahon nga mobaha ug gipalambo sab sumala pa ang drainage system sa maong dapit.
Temporaryo sumala pa nga na-undang ang konstruksiyon niini sanglit nahutdan na ang pundo.
