DAVAO CITY – Nagpagawas na og labing ulahing datos ang Davao City Vaccination Cluster kalabot sa COVID-19 vaccination ning Dakbayan sa Davao. Anaa na sa 507,032 ang nakadawat na sa ilang first dose sa COVID-19 vaccine.
Sa nahisgutang ihap, 54,884 ang gikan sa A1 Priority Group kon Healthcare Workers, 84,243 gikan sa A2 Priority Group kon Senior Citizens, 148,215 gikan sa A3 Priority Group kon Persons with Co-morbidities, 194,828 gikan sa A4 Priority Group kon Essential Workers, ug 23,862 gikan sa A5 Priority Group kon Poor Population, diin pulos kini mga lumulupyo sa mga Indigenous Peoples communities.
Samtang, 305,553 na usab ang nakadawat na sa ilang second-dose o di kaha nakadawat og single-dose vaccines nga matawag nang fully-vaccinated. 43,591 ang gikan sa A1 group, 80,208 gikan sa A2 group, 112,001 gikan sa A3 group, 62,785 gikan sa A4 group, ug 6,962 gikan sa A5 group.
Tumong sa Davao City LGU nga mabakunahan ang kapin 1.2 million ka mga lumulupyo niini aron maangkon na ang herd immunity nga target usab makab-ot sa bulan sa Nobyembre ning kasamtangang tuig.
