DAVAO CITY – Nag-abiso ang Department of Interior and Local Government kon DILG ngadto sa lungsod sa Santa Maria, Davao del Sur dili mamahimong makagawas sa ilang mga panimalay ang mga lumulupyo nga wala maapil sa mga barangay nga wala gipaubos sa hard lockdown sugod kagahapong adlawa.
Nagbahad usab ang kapulisan nga ilang pangdakpon ang mga magsinupakon sa liquor ban ug sa curfew hours nga mulungtad sa alas 7 sa gabii hangtod alas 7 sa buntag.
Hugot usab nga ginabantayan sa mga sundalo ug kapulisan ang mga gipang-lockdown nga barangay sa Kinilidan, San Antonio, Datu Daligasao, Buca, San Agustin, ug Poblacion Matud ni Santa Maria Mayor Josephine Mariscal, ang online sabong o “Talpakan” ang gituohan sa Municipal Inter-agency Task Force nga maoy hinungdan sa grabeng pagsaka sa kaso sa COVID-19 sa nahisgutang lungsod.
Dili pa usab masulti ni Mariscal kung i-lift na ba o lugwayan pa ang hard lockdown sa mga Barangay.
Kahinumduman nga gipaubos karon sa Enhanced Community Quarantine ang lungsod sa Santa Maria nga mulungtas hangtod na sa katapusang adlaw sa Agosto.
