DAVAO CITY – Gipalawman pa karon sa mga sakop sa kapulisan ang ilang pagpanubay aron nga masayran kung si kinsa ang mipaluyo sa pagpatay sa magti-ayon pasado alas singko kagahapon sa hapon samtang anaa ang mga nahisgutan duol sa ilang panimalay sa Solariega Subdivision Talomo ning dakbayan.
Una ng naila ang mga magti-ayon nga sila si Atty.Sitti Gilda Mahinay-Sappie ug bana niini nga si Timmie Sappie.
Gisulayan pa pagdala ang mga nahisgutan sa balay tambalanan apan nakutloan pa gihapon kini sa ilang kinabuhi gumikan sa ilang nahi-aguman nga mga samad pinusilan sa lawas.
Gikanayong adunay programa ang mga nahisgutan sa usa ka FM station sa siyudad nga nagatuki ug mga isyu sa kasamtangan nga sitwasyon sa atong palibot ug sa atong nasud.
Ginasubay na sab karon sa mga otoridad kung unsay motibo sa krimen.
