DAVAO CITY – Mamahimo sumala pa nga makaangkon ang Mindanao ug gibana-banaang surplus nga 800 to 1,000 megawatts (MW) sa mosunod nga summer o bastante matud pa kini aron nga hapsay nga mapahigayon ang automated polls sa May 2022.
Sumala pa kang Assistant Secretary Romeo Montenegro of the Mindanao Development Authority (MinDA), aduna sumala pay sobra nga supply sa kuryente ang Mindanao bisan pa man nga misaka ang kasamtangan nga consumption niini karong panahona.
Sumala sa National Grid Corporation of the Philippines (NGCP), mamahimo sumala sila nga maka-supply ug hangtud sa 2,989 MW apan sa kasamtangan nga demand sa mga konsumante anaa lamang kini sa 1,940 MW, hinungdan nga aduna pa kini sobra nga 1,049 MW.
Apan gi-angkon ni Montenegro nga dili pa nila mabutyag kung walay masinatian nga power interruptions sa pipila ka parte sa isla nga gi-serbisyohan sa electric cooperatives.
Gani aduna sumala pay pipila ka mga electric cooperatives ang padayon nga nag-antus ug financial problem hinungdan nga adunay masinatian nga mga power interruption.
