DAVAO CITY- Gilusad karong adlawa dinhi sa dakbayan sa Dabaw ang labing unang DEPED-led vaccination program sa nasud.
Gipahigayon ang ceremonial vaccination sa 3 ka mga tulunghaan dinhi sa syudad nga gilangkuban sa Daniel R Aguinaldo National high school, Bernardo Carpio National High school ug Crossing Bayabas national High school.
Nasayran nga kadtong mga public school teachers ug mga non-teaching personnel sa deped nga na-assign sa first district ning syudad ang bakunahan sa DRANSH, samtang ang mga naa sa second district bakunahan usab sa Bernardo Carpio NHS ug sa Crossing bayabas NGS usab ang mga naa sa 3rd District ning syudad.
Gilauman nga mahuman sulod sa 3 ka semana ang pagbakuna sa kapin 12 mil ka mga teaching ug non teaching personnel sa deped davao city division.
Gibutyag ni DepEd 11 spokesperson Jenielito Dodong Atillo nga nagsugod niadtong adlaw nga sabado June 26, 2021 ang pagbakuna sa mga kawani niini nga sigundan usab pagka-domingo June 27, 2021.
Sa nahisgutang 2 ka adlaw nga vaccination roll out sa vaccination moabot sa usaka libo ka mga teaching ug non-teaching personnel ang nabakunahan sa Mintal Comprehensibe high school.
