DAVAO CITY – Ipatuman gilayon karong adlawa, Hunyo 28 ang lockdown sa LTO-Digos District Office isip pamaagi sa health precaution batok Covid-19 sa buhatan.
Tipik lamang sa posibilidad nga na-expose ang mga personahe sa nahisgutan nga buhatan sa Covid-19 kini tungod sa close contact sa lain pa nga personahe nga nagpositibo sa nahisgutan nga virus.
Tungod niini, kinahanglan nga ipailalom una sa RAT (Rapid Antigen Test)/RT-PCR (Swab Test) ang tanan nga mga personahe kini aron masayran kung wala nangatakdan ang mga nahisgutan.
Hinuon gipasalig sa buhatan nga ipadayon gilayon nila ang ilang operasyon sa higayon nga maayo ang resulta ug makuha na ang RAT (Rapid Antigen Test)/RT-PCR (Swab Testing) sa tanan nga mga empleyado sa nahisgutan nga buhatan.
Nangayo karon ug pagsabot ang buhatan ngadto sa ilang kliyente ilabi na nga alang lamang sa kaayohan sa tanan ang ilang gihimong mga lakang.
