DAVAO CITY – Miabot na ang duruha ka swabbing teams gikan sa U.S. Agency for International Development (USAID) dinhi sa dakbayan sa Davao kini aron nga i-assist ang Covid-19 swab testing sa lokal nga kagamhanan kini tungod pa gihapon sa padayon nga pagsaka sa kaso sa Covid-19 sa siyudad.
Sumala pa kang Dr. Ashley Lopez, acting head sa City Health Office (CHO), nga ang duruha ka swabbing teams gikan sa USAID ang temporaryo nga ipahimutang sa swab testing site sa Davao Crocodile Park samtang swabbing team sa siyudad ang mopailalom sa quarantine.
Gikanayon ni Lopez nga kung mobalik na sa normal sa nahisgutan nga parke, ang duruha ka swabbing teams ang i-mobilize sa komunidad partikular na sa far-flung areas sa dakbayan.
Subli nga gibutyag niini nga bisan kung adunay mga indibidwal nga mobalibad nga mopailalom sa swab testing, mamahimong mohatud sumala pa kini ug risgo ngadto sa komunidad.
Kahinumduman nga una ng gi-aprubahan sa second reading sa konseho ning dakbayan sa Davao ang sugyot nga mga mo-require ug mandatory reverse transcription polymerase chain reaction (RT-PCR) testing ug pahamtangan ug multa ang mga close contacts nga kumpirmadong natakdan ug Covid-19 apan mibalibad nga mopailalom sa testing.
