DAVAO CITY – Gitino ni Davao City Mayor Inday Sara Duterte-Carpio nga wala pay nahisgutan ang local government unit’s (LGU) level kalabot sa rekomendasyon sa OCTA Research Group mahitungod sa subling pagpailalom sa siyudad sa enhanced community quarantine (ECQ) gumikan sa pagsaka sa kaso sa Covid-19.
Sumala sa Mayor nga ang uban nga mamahimong option aron nga makontrola o mapaubos ang kaso sa siyudad mao ang padayon nga pagtamud sa guidelines nga gipatuman ilalom sa Modified ECQ (MECQ) ingon man sa nagkadaiyang executive orders nga gipagula sa lokal nga kagamhanan.
Gikonsidera sab niini ang vaccination drive isip essential factor aron nga batukan ug malikayan ang infection.
Samtang gikumpirma sab ni Inter-Agency Task Force-Regional Task Force (IATF-RTF) chairperson DILG director Alex Roldan nga wala girekomenda sa siyudad nga subling ipailalom sa ECQ classification.
Gikanayon sab ni Roldan nga ang IATF maoy mo-desisyon kung unsa nga classification sa quarantine kini base na sab sa data nga gisumite sa usa ka LGU.
Gitino sab sa opisyal nga bisan ang concerned LGU ang adunay direkta nga kasayuran kalabot sa sitwasyon sa ilang dapit, mamahimo pa gihapon nga kini ang magdesisyon kung unsa nga community quarantine status ang ipatuman sa ilang lugar.
