DAVAO CITY – Gipanghatdan og ayuda ang pipila ka mga purok sa managlahing lugar sa Davao de Oro human kini gipailawom sa lockdown gumikan sa padayon nga pagtaas sa ihap sa kaso sa covid-19 sa nasampit nga probinsya.
Gipanghatdan sa probinsyal nga pangamhanan ang pipila ka mga purok sa Brgy. Tagnanan, Mabini, Brgy. sa Upper Ulip, Monkayo, Brgy. Cuambog, Mabini, ug pipila usab ka mga purok sa Brgy. Mainit nabunturan.
Gipang apod-apod kagahapon ang mga hinabang sa mga pipila ka mga purok sa nasampit nga mga brgy kini ilawom sa programa nga ‘Walang iwanan packages’ nga ayuda ngadto sa mga naapektuhan sa lockdown.
Adunay kinilo nga bugas, mga pagkaon ug ubang mga panginahanglanon sa balay ang unod sa gipanghatag nga mga ayuda.
Gipatuman ang localized Enhanced Community Quarantine o lockdown sa mga purok/barangay nga dunay taas nga ihap sa kaso aron nga makontrol ang pagdagsang sa mga nagpostibo sa virus sa maong probinsya.
