DAVAO CITY – Gisugyot karon sa usaka konsehal sa dakbayan sa Dabaw ang usaka balaudnon nga mopahamtang ug silot sa katawhan nga nagdumili sa pagpa-ilalom sa Covid-19 testing pinaagi sa multa nga hangtud P5,000.
Gikanayon ni Councilor Mabel Acosta, chairperson sa committee on peace and public safety and on special publications, usa sa mga probisyon sa ordinansa, dili na hatagan pa ug pahimangno ang mga nakasupak kung dili isyuhan na kini ug citation ticket sa higayong dili makatuman sa mandatory swabbing.
Sumala ni Acosta sakop sa maong ordinansa ang confirmed positive, F1 (first-generation contact o kadtong adunay close contact sa usaka confirmed positive individual), F2 (second-generation contact l kadtong adunay close contact sa F1), ug F3 (third-generation contact o kadtong adunay close contact sa F2).
Gikatarungan ni Acosta nga iyang iduso ang pag-apruba sa maong ordinansa taliwala sa pagpa-ilalom sa tbuok nasud sa state of public health emergency apan daghan lamang gihapong mga tawo ang nagdumili sa pagpa-swab test.
Karong adlawa gipahigayon ang committee hearing uban sa business sector ug gikatakda ang deliberasyon niini sa konseho sa adlaw nga martes June 22.
