-- ADVERTISEMENT --
DAVAO CITY – Posible sumala pa nga malugwayan pa ang pagpasirado sa tourism industry sa Island Garden City of Samal gumikan sa padayong pagsaka sa kaso sa covid-19 sa syudad karong mga panahuna.
Sumala ni Dr. Dennis Flores, ang hepe sa City Health Office sa Samal Island, nga padayon ang pagsaka sa Covid-19 sa nahisgutang syudad matag adlaw diin as of June 6, 86 na ang aktibong kaso sa covid-19.
Kahinumdoman nga una ng mipakanaog og executive order si Mayor Al David Uy aron temporaryong pasirad-an ang tourism industry sa syudad sugod sa pagsulod karong bulan sa Hunyo hangtod sunod Hunyo 14 ning kasamtangang tuig.
Hinoon, nagpadayon usab ang vaccination program sa isla diin sukad kaniadtong Marso 18, muabot na sa 4000 ang nabakunahan.
