DAVAO CITY – Sikop ang usa ka lalaki nga gikan sa marawi city bitbit ang gituohang shabu nga mokantidad og P13.6-M nga nakumpiska sa Special Operation Group (SOG) sa Davao City Police Office ug uban pang law enforcement unit.
Gikanayong padulong ang nahisgutan nga lalaki sa Davao del Norte diin bitbit niini ang sinako nga shabu nga ihatod unta niini sa mga parokyano sa Davao del Norte ug nasikop kini atol sa gipahigayong buy-bust operation alas 7 kagabii sa Maharlika Highway, Barangay Lasang Bunawan District, Davao City.
Giila ang suspek nga si Jaber Saranggani, 24 anyos nga residente sa Purok 6 San Francisco Pida, Panabo Davao del Norte.
Sumala pa kang Major Villahermosa nga napalitan og usa ka pakete sa poseur buyer ang suspek nga mobalor 600,000 pesos ug nakuhaan sab kini og lain pang 7 ka mga dagkong pakete sa illegal drugs sa iyang possession.
Kalakip sab sa narekober sa suspek ang cellphone ingon man motorsiklo nga gigamit niini sa iyang transaksiyon.
