DAVAO CITY – Gibutyag sa usa ka lumad nga estudyante nga naluwas sa University of San Carlos (USC) campus sa milabay nga Pebrero nga siya ug ang iyang ginikanan ang pugsanon sumala pa nga gipapirma gamit ang thumbmarks, isip pamatuod nga gitugtan nila ang ilang anak nga magtuon sa United Church of Christ in the Philippines (UCCP) Haran Center dinhi sa dakbayan sa Davao.
Sa bag-ohay pa lamang nga National Task Force to End Local Communists Armed Conflict (NTF-ELCAC) virtual press conference, sagad sumala pa sa mga ginikanan sa mga estudyante ang walay kasayuran kung unsa ang unod sa dokumento inay gisultihan lamang ang mga nahisgutan nga mitugot sila nga patunghaon ang ilang anak sa Haran.
Sumala sa batang lumad nga si Mandakawan, nga bisan sila walay kasayuran nga dad-on diay sila sa Cebu.
Nagtuon sumala pa sila sa Salugpungan Ta’Tanu Igkanogon Community Learning Center, Inc. sa Talaingod, Davao del Norte apan dihang gimando sa Department of Education sa Region 11 nag pasirad-an kini kaniadtong Oktubre 2019, miadto kini sa Haran aron nga ipadayon ang iyang pagtuon.
Usa ka semana sumala pa sila nga nagpabilin sa Haran ayha sila gidala sa Cebu.
Gani gipatambong sumala pa sila sa gipahigayon nga rally sa Minglanilla ayha gipapauli.
Kahinumduman nga una ng gipasakahan ang giilang “bakwit 7” ug kaso gumikan sa pagdala sa mga batang lumad apan nakagawas ang mga nahisgutan gumikan sumala pa sa kawad-on ug lig-on nga mga sumbanan.
