DAVAO CITY – Padayon ang pahimangno karon sa Bureau of Fisheries and Aquatic Resources (BFAR)-11 ngadto sa publiko nga subayon ang certification sa mga namaligya ug shellfish sa palengke ilabi na kadtong namaligya ug tahong aron masiguro nga dili kontaminado sa red tide.
Tipik lamang ang pahimangno sa ahensiya human nga nagpabilin sumala pa karon nga positibo sa red tide ang tahong sa Balite Bay sa Davao oriental.
Bisan nga daghanang shellfish nga mamahimong kapili-an, apan sagad sumala pa sa mga ginapalit ang tahong apan nihit ang supply niini karong panahon gumikan sa gipagulang kamandoan gikan sa BFAR-11.
Sumala pa kang Raul Millana, regional director sa BFAR-11 nga nagpabilin pa gihapon sa listahan ang Balite Bay sa Davao oriental sa mga kadagatan nga adunay taas toxic red tide ang lampas sa 60 micro milligrams diin dili na luwas nga kaunon ang mga tahong nga anaa sa lugar.
Samtang nagpabilin ang maong kamandoan sa ahensiya, hugtanon sumala pa nga ginadili ang pagkuha, mokaon ug magbaligya ug tahong sanglit kini luwas sa panglawas.
