DAVAO CITY – Gipalawman na karon sa mga Maco Police Station ang ilang gipahigayon nga imbestigasyon aron nga masayran kung si kinsa ang mipaluyo sa pagpusil patay sa usa ka kagawad sa Purok 1, Barangay Sangab, Maco Davao de Oro.
Una ng naila ang biktima nga si Barangay Kagawad Oliver Bataluna Ripdos, 42 anyos residente sa nahisgutan nga dapit.
Sa inisyal nga imbestigasyon sa otoridad, gikan sa iilang umahan ang biktima kagahapon sa udto kauban ang iyang misis nga si Mary Ann dihang kalit na lamang kini nga gipusil sulod sa pipila ka higayon nga maoy hinungdan sa hinanaling kamatayon niini.
Dali nga misibat ang mga suspek ang usa sumala pa sa mga nahisgutan ang nailhan ni Mary Ann nga si Roy Adolfo kinsa kauban niini ang unom ka mga armadong lalaki nga gituohang mga miyembro sa NPA.
Kalakip sa giimbestigahan karon sa otoridad ang motibo sa krimen.
Gi-andam na sab karon ang kaso nga iduso batok sa mga suspetsado. Nanghinaut na lamang karon ang kabanay sa biktima nga maangkon nila ng hinanali nga hustisya.
