DAVAO CITY – Karon pa lang gipangandaman na sa ahensiya sa Bureau of Fisheries and Aquatic Resources (BFAR)-11 ang ipatuman nga closed fishing season sa Davao gulf nga tinuig ng ginapahigayon sa dakbayan sa Davao.
Kahinumduman nga ginapatuman sa ahensiya ang nahisgutan nga lakang kini aron mahatagan ug igong panahon ang mga isda nga makapangitlog ug managhan.
Una ng gibutyag ni Raul Millana, regional director sa BFAR-11 nga sugod sa bulan sa Hunyo hangtud Agosto, dili una itugot ang pagpanagat gumikan kay kini ang panahon sa pagpangitlog sa mga isda.
Hinuon gitugtan sumala pa ang pagpamasol gawas lamang sa paggamit ug mga fishing net aron nga dili makuha ang mga gagmay nga isda.
Sa higayon nga makalapas sa balaud, pasakahan ug kaso ang madakpan ug kumpiskahan ang mga gamit sa pagpanagat niini.
Mamahimo sab nga mabilanggo ilabi na kung bug-at ang nahimong kalapasan nga nahimo ingon man pamultahon ug P20,000 ngadto na sa P500,000.
