DAVAO CITY – Giluwagyan pa karong hangtud unom ka bulan ang “swab drive-thru” sa Davao Crocodile Park grounds sugod sa Mayp 17 hangtud Nobyembre 17 kini kabahin pa gihapon sa mas gipahugtan nga community surveillance testing aron daghanan pa ang ma-detect nga mga active coronavirus disease (COVID-19) cases.
Sumala pa kang Dr. Ashley Lopez, acting head sa Davao City Health Office nga ang “swab drive-thru” nga na mamahimong exclusive ngadto sa mga public utility vehicles ug online food delivery services apan kalakip na niini ang uban pang businesses ug establisyemento diin ang ilang mga empleyado nga kinahanglan nga mopailalom sa swabbing.
Gipatuman ang extension human nga pipila ka mga kompanya ang misugyot nga himuon na lamang kini sa nahisgutan nga site ilabi na nga mas lapad ang lugar kung itandi sa Sta. Ana Health Center nga posibleng maghuot ilabi na nga daghanang mga barangay ang gina-refer sa maong gambalay.
Aron sumala pa nga ma-decongest ang Sta. Ana Health Center, gikanayon ni Lopez nga kinahanglan mandoan ni Lopez ang district health offices nga kinahanglan ablihan ang ilang swab units aron nga ma-cater ang ilang mga residente nga nakasinate ug mga sinatomas sama Covid-19 sama sa ubo, kalintura, ug sip-on.
