DAVAO CITY – Gipangandaman pa karon sa dakbayan sa Davao ang mas daghanan pang mga indibidwal nga mapailalom sa swab test isip kabahin sa Covid-19 surveillance siyudad.
Kahinumduman nga ubay-ubay na ang natala nga mga driver nga gipailalom karon sa swab test kini aron nga daling masubay kung adunay nagpositibo sa mga nahisgutan sa covid-19 ilabi na nga si bisan kinsa nga mga pasahero ang ilang makahimamat.
Una ng gibutyag ni City Transport and Traffic Management Office (CTTMO) head Dionisio Abude nga subay sa ilang record mikabat sa 21,382 ang mga PUV drivers sa dakbayan.
Hinuon wala pa nahilakip niini ang mga food ug online delivery service apan kalakip ang mga nahisgutan sa mga gikinahanglan nga ipailalom sa swab test.
Una ng nagsugod ang drive-thru free swab testing sa mga driver sa milabay nga lunes ug matapos kini sa Mayo 8 ning kasamtangan nga tuig.
Kinahanglan lamang nga moadto ang mga driver sugod 8:30 sa buntag hangtud na 11:30 sa buntag sa Davao Crocodile Park sa Maa Diversion Road.
