DAVAO CITY – Gawas sa padayong pagtaas sa kaso sa Covid-19 sa Pilipinas, misaka usab matud pa ang depresyon ug suicide cases sa nasud.
Kini ang giluwatan ni Philippine Mental Health Association Davao City Chapter Executive Director Precious Manliguez nga makonsidera matud pa nga pandemya usab ang nasampit nga mga kaso gawas sa Covid-19.
Base sa datus nga gipagula sa Philippine Statistics Authority nga misaka sa 25.7 percent rate ang suicidal rate sa nasud. Gitino sab sa opisyal nga kung dili gilayon mahatagan og pagtagad ang mga pasyenteng nanginahanglan og psychosocial intervention ilawom karong pandemya, posible sumala pa nga musaka pa ang ihap sa mental health related cases.
Mitambag sab ang opisyal ngadto sa dabawenyos nga kung nakasinati kini og depression mamahimo kini nga mudangop sa online counseling sa PMHA sanglit libre lamang ang konsultasyon niini.
Mamahimo matud pa nga mag message sa PMHA Davao City Chapter nga ilang facebook page aron maka set kini og appointment alang sa online counseling.
Aduna matud pay mga personahe ang buhatan aron mo cater sa bu-ot magpa counseling.
Nagatoo sab si Manliguez nga dako og epekto ang pandemya nga nasitian karong panahona ingon man usa sab ang kalisud sa panginabuhian ug dagan sa trabaho diin pipila sab ang nawad-an ug panagsa lang maka trabaho gumikan sa Covid-19.
