DAVAO CITY – Naglaom ang usa ka konsehal ning dakbayan nga makighiusa ang iyang mga kaubanan sa iyang panawagan nga pugngan una ang tanan nga mga aplikasyon ingon man renewal sa permits alang sa quarry operations samtang magpabilin lamang una ang mga naghupot ug permit nga mag-operate hangtud nga dili pa mogula ang resulta sa gipahigayon karon nga pagtuon sa Davao river.
Una ng gibutyag ni konsehal Mabel Sunga-Acosta, kinsa maoy chair sa committee on peace and public safety, nga nakadawat na karon ang konseho ug pipila ka mga aplikasyon alang sa quarry operation bisan nga miabot na sa kapin 100 ka mga quarry permits ang ilang nadawat.
Gitataw sab ni Acosta nga bisan nagpadayon karon ang Build Build Build program sa administrasyon, bastante pa gihapon ang kasamtangan mga quarry operators aron mo-supply sa construction industry.
Gikanayong lisud sumala pa kung dungagan pa ang mga quarry operators human nga nasayran sa pagtuon nga adunay pipila ka mga kasapaan sa siyudad ang makonsidera nga over-extracted.
