DAVAO CITY – Padayon karon nga nakatala ang Public Safety and Security Command Center (PSSCC) og mga indibidwal nga nagapameke sa ilang RT-PCR test results sa higayon nga mosulod dinhi sa dakbayan.
Una ng gibutyag ni PSSCC head Angel Sumagaysay, nga anaa sa 42 na ka mga indibidwal ang napasakahan og reklamo pinaagi sa regular filing gumikan sa nahisgutan nga salaod.
Kahinumduman nga una ng gibutyag sa lokal nga kagamhanan nga dili sumala pa angayan nga mameke og resulta sa RT-PCR test sanglit masayran pa gihapon kini sa otoridad ug mamahimong mabilanggo.
Gikanayong dungan sa pagsugod sa test before travel policy sa siyudad, laoman nga daghanan na sab ang ihap sa mga madakpan hinungdan nga mas hugtanon ang himuon nga pagpanubay nga himuon sa PSSCC sa mga rekisitos nga dala sa mga pasahero.
Via // Bombo Emman Dela Peña
