DAVAO CITY – Andam na ang mga tulonghaan ug unibersidad sa dakbayan sa Davao alang sa ipahigayon nga vaccination batok Covid-19 sa higayon nga mo-abot na kini dinhi sa dakbayan sa Davao.
Una ng gibutyag sa Department of Education (DepEd)-11 nga pipila sa mga tulonghaan nga gikonsiderang vaccination sites ang gilangkuban sa ADDU Matina campus, USEP, UM campus ug A. Mabini National High School.
Hinuon dili pa mabutyag ni Atillo kung madungagan pa ang nahisgutan nga mga tulonghaan apan gipasalig niini nga adunay ipahigayon nga mga disinfection sa higayon nga sugdan na ang paggamit niini.
Magpahigayon sab sumala pa ang DepEd og schedule sa pag-release sa mga modules sa estudyante kini aron masiguro nga dili maapektohan ang ilang pagtungha.
Una na sab nga gitino sa nahisgutan nga gi-tap lamang ang mga magtutudlo aron nga motabang sa education campaign kalabot sa bakuna ug isalig lamang ngadto sa mga doktor ang pagtuplok niini.
Via // Bombo Emman Dela Peña
