DAVAO CITY – Gikatakdang momugna ang lokal nga kagamhanan ug local committee nga langkuban sa mga medical health experts diin kini ang motutok sa side effects sa coronavirus disease (COVID-19) vaccines.
Tipik lamang kini human nga gipalabang na sa City Council ang ordinansa nga magpatuman ug COVID-19 immunization program.
Gikanayong ang mga miyembro niini langkuban sa pediatrics, neurology, virology/microbiology, epidemiology, immunology, forensic pathology ug uban pang medical experts nga adunay kaalam sa geriatrics, adult medicine ug infectious disease.
Nangandam niini ang siyudad human nga una ng gibutyag ni City Health Office acting head Dr. Ashley Lopez nga makadawat na ang siyudad ug initial doses sa Pfizer-manufactured vaccines sa ulahing semana karong bulana.
Gikanayon ang lokal nga kagamhanan mopalit sab ug AZD1222, ang bakuna nga gimugna sa British firm uban ang Oxford University ug nakighinabi na sab ang lokal nga kagamhanan ngadto sa Janssen Pharmaceuticals sa Johnson & Johnson aron nga mopalit sab ug dugang nga bakuna.
Unod sab sa ordinansa nga ang COVID-19 immunization program ang i-apply sa tanan nga mga residente ug non-residents nga anaa sa dakbayan dungan sa pagpatuman sa programa.
