DAVAO CITY – Gumikan sa padayon nga pagsaka sa kaso sa Covid-19 sa siyudad, gibutyag ni Davao City Covid-19 focal person Dr. Ashley Lopez nga dili pa andam ang siyudad nga ibalik sa modified general community quarantine (MGCQ).
Kahinumduman nga kalakip karon ang siyudad ingon man ang lalawigan sa Davao del Norte sa mga gipailalom sa general community quarantine (GCQ) nga molungtad sa Enero 31, 2021.
Gikanayong wala sumala pay kabag-ohan sa sitwasyon sa dakbayan hinungdan nga kinahanglan una kini nga ipabilin sa GCQ.
Gikatakda sumala pa nga ipahibalo sa Inter-Agency Task Force on Emerging Infectious Diseases (IATF-EID) ang bag-ong klasipikasyon sa mga siyudad ug musipalidad sa nasud sulod karong semahana nga aprubahan ug isumite kang Pangulong Rodrigo Duterte.
Una ng nasayran nga ang positivity rate sa siyudad gikan Enero 10 hangtud 24 ang anaa sa average rate nga 11.8 percent diin gibutyag sa World Health Organization nga taas na ang ihap kung lampas na kini sa five percent pataas.
Tungod niini, paningkamutan karon sa siyudad nga moubos ang positivity rate ngadto sa 5 porsyento paubos.
Una ng nasayran nga kapin 50 percent sa transmission ang natala sa komunidad ingon man sulod mismo sa panimalay.
