davao city – Ginahikay na sa lokal nga kagamhanan ang pagpalit og bakuna batok Covid-19 sa dakbayan sa Dabaw.
Kini ang giluwatan ni Mayor Inday Sara Duterte Capio diin naangkon na sa kagamhanan ang commitment sa kompanya sa AstraZeneca nga usa sa nagagama og bakuna batok Covid-19 nga gikan sa United Kingdom.
Una ng gikaingon nga ang bakuna nga AstraZeneca adunay 70 hangtod 90 percent effectivity. Gibutyag ni Mayor Sara nga nagpulong na sila sa AstraZeneca diin nakab-ot nila ang nahisgutang kasabutan.
Apan, nagdumili na si Mayor sa pagbutyag sa uban pang detalye o impormasyon gumikan na usab sa na-una nang gilagdaan nga non-disclosure agreement.
Kung unsa man ang mamahimong mosunod nga impormasyon o update sa kasabutan, ang AstraZeneca na sumala pa ang mobutyag niini sa publiko.
Gitataw sab sa Mayor nga gipunting sa kagamhanan nga huruton ug bakuna ang 1.2 million nga populasyon sa dakbayan sa dabaw ug wala sila nag limit og budget sa syudad alang sa bakuna.
