DAVAO CITY – Mihatag og katin-awan si Davao City COVID-19 focal person Dr. Ashley Lopez nga bisan wala pa kaayo nabati ang pagsaka sa ihap sa kaso sa COVID-19 tungod sa milabay nga holiday season, lauman nga mamatikdan ang “Post-New Year” case surge hangtud sa tunga-tunga nga bahin sa Pebrero ning kasamtangan nga tuig.
Gikanayon ni Lopez nga ang “overspilling of cases” sa milabay nga Disyembre 24 ug 25, 2020 mamahimo sumala pa nga mabati sa unang semana sa Enero 2021 bisan nga nakatala ang siyudad og 104 ka mga kaso sa milabay nga Enero 4 nga maoy pinakataas sa milabay nga duruha ka semana.
Apan dako ang posibilidad nga mabati ang pagsaka niini sa ikaduha o ikatulong semana sa Enero hangtud na sa tunga-tunga nga bahin sa Pebrero.
Una nang nasayran sa nahisgutan nga ang pinakadako nga gi-ubos sa kaso sa COVID-19 sa siyudad natala atol sa tunga-tunga nga bahin sa Oktubre hangtud sa Nobyembre 2020 nga maoy hinungdan nga nakunhuran og dyutay nga pasyente ang Southern Philippines Medical Center (SPMC) partikular na ang Temporary Treatment and Monitoring Facilities (TTMF).
Nakatabang og dako niini ang subli nga pagbalik sa pipila ka mga regulasyon sama sa liquor ban ug curfew.
Via // Bombo Emman Dela Peña
