DAVAO CITY – Gimando sa Inter Agency Task Force (IATF) on COVID-19 nga gawas sa face mask, mandatory na sab ang pagsul-ob og face shield kini aron makunhuran ang pagsaka sa ihap sa kaso COVID-19.
Kini subay sa gipagula sa IATF Resolution No. 88 nga kinahanglan na nga idungan sa pagsul-ob ang face shield ug face mask kung mugawas sa panimalay.
Sumala sa pamahayag ni Department of Health XI Focal Person Ashley Lopez nga labing maayo ang lakang nga gihimo sa IATF gumikan nga dako kaayo kini og tabang aron mas maprotektahan pa ang kaugalinon ug aron mapugngan ang transmission sa makamatay nga kagaw.
Kahinumduman nga una na nga gipagula sa lokal nga panggamhanan ang Executive Order No. 65-A kabahin sa pagmando sa mga opisina lakip na sab ang mga kliyente nga mandatory ang pagsul-ob og face shield ug face mask.
Gawas niini, mandatory sab ang pag sul-ob niini sa mga pribadong establisyemento, palengke, police station ug uban pa.
