DAVAO CITY – Mamahimo na matud pa nga mapasakahan og kaso ingon man mapahamtangan og multa ang mga indibidwal nga mag-tamper sa ilang Food and Medicine (FM) passes dungan sa pagpalabang sa “FM Pass Ordinance of Davao City” diin tumong niini ang mag-regulate sa paggamit niini.
Sakop sa probisyon nga ang pag-tamper ug misrepresentation sa FM passes ang hugtanon nga gidili ug mamahimong mag-atubang kini og administrative fine nga P5,000.
Kalakip sab sumala pa sa ma-penalize kadtong mga tawo nga magpaka-aron ingnon nga ilang pangalan ang nakabutang sa FM pass.
Gipahimangnoan sab ang tanan nga mga FM pass holders nga taguan ang ilang FM Pass ug paningkamutan nga dili madaut ug motipig sab og kopya sa control number niini.
Sa higayon nga mawala ang FM Pass o madaut, mamahimong isumite sa residente ang ilang control number sa ilang barangay aron nga ipailalom kini sa verification aron mamahimo sila nga maka-claim og Temporary Barangay Certificate diin ibutang ang control number niini isip replacement.
Gikanayong ang Temporary Barangay Certificate valid lamang sa petsa nga gibutang niini.
Kahinumduman nga ang mga passes nga adunay last digits nga 1, 3, 5, 7, 9 mamahimong gamiton lamang sa Lunes, Miyerkules ug Biyernes samtang kadtong last digits nga 0, 2, 4, 6, 8 ang mamahimong makagawas matag Martes, Huwebes ug Sabado.
