DAVAO CITY – Nagpadayon ang paghatag og hinabang sa Overseas Workers Welfare Administration (OWWA) XI ngadto sa mga Returning Overseas Filipino (ROF) nga naapektuhan sa COVID-19 pandemic.
Subay sa datos sa OWWA XI, mikabat na sa 22,942 ka mga ROFs ang natabangan sa ahensya pinaagi sa sweeper flights diin ang nahisgutan nga mga sweeper flights ang usa sa gihanyag sa gobyerno alang sa mga OFWs nga bu-ot mouli sa syudad.
Gawas niini, mihatag sab og assistance ang buhatan sama na lamang sa libre nga accommodations ug pagkaon alang sa mga ROF nga kasamtangan nagapa-abot gihapon sailang RT-PCR test result.
Subay niini, dako sab ang kalipay ug pasalamat sa buhatan gumikan sa kooperasyon nga gipakita sa mga lokal nga panggamhanan ug probinsya gumikan sa pagsundo ug pagpahimutang sa ilang residente.
Gani, mapasalamaton sab ang mga ROFs sa ahensya hilabi na sa mga LGUs gumikan sa ilang aktibong pagpanguna sa nahisgutan nga tabang.
