DAVAO CITY – Padayon karon ang pagpaningkamot sa Davao region aron nga palig-onon pa ang programa aron nga batukan ang padayon nga pagsaka sa ihap sa mga natakdan og Human Immunodeficiency virus.
Kahinumduman nga pabilin nga nahilakip ang siyudad sa nasud sa mga taas og kaso sa HIV diin anaa karon ang dakbayan sa Top 5 sa Davao Region sukad Enero hangtud sa Setyembre ning kasamtangan nga tuig.
Una ng gibutyag ni Maria Teresa Requillo, Regional Program Manager sa HIV Prevention and Control sa DOH XI, taas gihapon karon ang kaso sa mga HIV bisan nga dyutay lamang ang nakapatest karong tuiga gumikan sa COVID-19 pandemic.
Anaa pa gihapon sa Top 5 ang Davao Region sa mga dunay daghang ihap sa nagpositive nga miabot karon sa 280.
Kagahapong adlawa, gisaulog ang World AIDS Day uban ang tema nga “Global solidarity, shared responsibility.”
Sa mga kaso sa HIV sa nasod, nag-una pa gihapon ang NCR sa dunay pinakataas og kaso sa HIV nga anaa sa 1,754, ikaduha ang Region 4A (988), Region 3 (770), Region 7 nga dunay 237 HIV cases.
