DAVAO CITY – Andam sumala pa ang City Health Office (CHO) ug uban pang hingtungdan nga ahensiya sa kagamhanan sa higayon nga aduna pay pagsaka sa kaso sa COVID-19 dinhi sa dakbayan.
Tipik lamang kini human nga gisugdan na kagahapong adlawa ang COVID-19 Aggressive Testing sa pipila ka mga lugar sa siyudad partikular na sa mga barangay nga taas ang ihap sa mga nagpositibo sa COVID-19.
Wala gipadaplin sa ahensiya ang posibilidad nga madungagan ang ihap sa mga magpositibo ilabi na nga ubay-ubay ang gipailalom karon sa Swab test.
Una nang gibutyag ni Dr. Anabelle Yumang, Assistant Regional Director sa Department of Health (DOH) 11 nga anaa sa 300 ka mga indibidwal ang gipailalom kagahapong adlawa sa testing sa Talomo Central District diin ang nahisgutan nga dapit nakatala og taas-taas nga kaso sa mga nagpositibo.
Magpadayon karong adlawa hangtud ugma ang COVID-19 Aggressive Testing sa siyudad.
Pahayag ni Dr. Anabelle Yumang, Assistant Regional Director sa Department of Health (DOH) 11.
