DAVAO CITY – Andam sumala pa karon ang dakbayan sa Davao kung unsa man ang mamahimong rekomendasyon sa Inter-Agency Task Force (IATF) kalabot sa mga barangay sa dakbayan nga nakatampo ug dakong ihap sa pagsaka sa mga nagpositibo sa covid-19.
Una ng gihinganlan ni Davao City Mayor Inday Sara Duterte –Carpio ang mga Barangay sa siyudad nga taas ang kaso sa Covid-19 butang nga aduna sumala pay himuong nga lakang ang Coordinated Operations to Defeat the Pandemic (CODE) team aron nga mapugngan ang padayon nga pagsaka sa covid-19 sa siyudad.
Sumala kang Mayor Inday, hulaton niya ang rekomendasyon kung ipailalom sa lockdown ang mga Barangay sa siyudad nga taas ang kaso o subli ba nga ipatuman ang Enhance Community Quarantine o adunay ipatuman nga Zone lockdown sa mga lugar.
Kahinumduman nga pipila ka higayon nga nag-una ang siyudad sa mga adunay taas nga kaso sa Covid-19 sa milabay nga semana base sa datus nga gipagulan sa Department of Health (DOH).
