DAVAO CITY – Gibutyag sa mga sakop sa kapulisan nga bisan hugot ang ilang ipahigayon nga pag-check sa mga FM pass, aduna sumala pa silay pipila ka mga konsiderasyon nga ginahimo.
Kahinumduman nga gisugdan na ang pag-check niini kagahapong adlawa partikular na sa mga molatas sa control point ingon man kadtong mga pasahero sa mga pampublikong sakyanan hinungdan nga nakasinate og paghuot sa dagan sa trapiko ang siyudad kagahapong adlawa.
Tungod kay lauman sumala pa nga mohuot ang mga kadalanan sa siyudad sa mosunod pa nga mga adlaw gumikan sa hugtanon nga pag-check sa control points, nagpahimangno karon ang kapulisan nga mas maayong magpundo na lamang sa panimalay ilabi na kung walay importante nga lakwon.
Una na nga gibutyag ni Pol. Capt. Rose Aguilar, tigpamaba sa Davao City Police Office (DCPO), nga kadtong motrabaho, kinahanglan nga dad-on sa mga nahisgutan ang ilang company ID o certificate of employment samtang sa panahon sa emerhensiya dili na matud pa kinahanglan nga i-presenta ang FM pass.
Pahayag ni Pol. Capt. Rose Aguilar, tigpamaba sa Davao City Police Office (DCPO).
