DAVAO CITY – Gi-awhag sa Davao City based medical association si Mayor Sara Duterte-Carpio nga ipailalom ang siyudad sa duruha ka semana nga city-wide lockdown aron masolusyonan ang nagkagrabe nga health care situation hatud sa nagpadayon nga pagsaka sa COVID-19 cases.
Una nang gisumite sa Davao Medical Society (DMS) ang formal letter ngadto sa Mayor diin girekomenda niini ang 15-day lockdown aron nga malimitahan ang lihok sa mga tawo ug mapugngan ang pagkatag sa virus.
Unod sa sulat nga maka-alarma ang pagsaka sa mga natakdan sa kagaw sa milabay nga mga semana nga mao sumala pay hinungdan nga anaa na karon sa full capacity ang mga katre sa government-owned Southern Philippines Medical Center (SPMC).
Sumala sa grupo, ang SPMC adunay 160 beds lamang nga alang sa COVID-19 cases, apan ang naka-admit sumala pa nga mga pasyente ang anaa na sa 165.
